Një aksident rrugor u regjistrua në zonën e Qafë-Plloçë, ku u përplasën tre kamionë dhe një furgon transporti udhëtarësh.
Sipas informacioneve paraprake, nuk raportohen persona të lënduar rëndë, por vetëm dëme materiale. Megjithatë, një drejtues mjeti dhe disa persona të tjerë u transportuan në Spitalin e Pogradecit për kontrolle mjekësore.
Njëri prej kamionëve transportonte lëndë djegëse, çka rriti rrezikun në vendngjarje dhe kërkoi ndërhyrje të shpejtë të autoriteteve.
Ngjarja ka shkaktuar vështirësi në qarkullimin e mjeteve në këtë segment rrugor. Trafiku devijohet përmes një bypass-i të improvizuar pranë një karburanti.
Në vendngjarje ndodhen forcat e policisë, të cilat po punojnë për orientimin e trafikut dhe zbardhjen e shkaqeve të aksidentit.