Një aksident rrugor ka ndodhur pasditen e së enjtes në aksin nacional Pogradec – Qafë Thanë, në afërsi të fshatit Pojskë. Si pasojë e përplasjes së fortë midis dy automjeteve, dy persona kanë mbetur të lënduar.
Të dëmtuarit janë transportuar me urgjencë drejt Spitalit të Pogradecit, ku po marrin ndihmën e nevojshme mjekësore. Deri në këto momente, institucionet nuk kanë bërë të ditur identitetin e personave të përfshirë dhe as detaje mbi gjendjen e tyre shëndetësore.
Në vendngjarje kanë mbërritur forcat e Policisë Rrugore, të cilat kanë nisur hetimet për të përcaktuar shkaqet dhe rrethanat e plota të përplasjes.