Një aksident rrugor ka ndodhur pasditen e 21 marsit 2026 në unazën e qytetit të Pogradecit, ku u përplasën një automjet dhe një motomjet.
Ngjarja regjistrohet rreth orës 16:20. Automjeti drejtohej nga shtetasi R. Z., ndërsa motomjeti nga shtetasi E. Sh., me bashkëshorten e tij si pasagjere.
Si pasojë, drejtuesi i motomjetit E. Sh. dhe bashkëshortja e tij mbetën të dëmtuar. Të dy u transportuan në spital për të marrë ndihmën e nevojshme mjekësore.
Me drejtuesin e automjetit, shtetasin R. Z., do të kryhen veprimet procedurale përkatëse.
Grupi hetimor i policisë ndodhet në vendngjarje dhe po punon për sqarimin e plotë të rrethanave të ngjarjes dhe për përcaktimin e shkakut të aksidentit.