Një aksident automobilistik me pasoja fatale është regjistruar mesditën e sotme, rreth orës 11:30, në aksin rrugor Pogradec–Qafë Thanë, në afërsi të fshatit Pojskë. Përplasja ka ndodhur midis një automjeti me drejtues shtetasin G. H., banues në Korçë, dhe një automjeti me targa të huaja, të drejtuar nga shtetasi E. Ll., banues në Maqedoninë e Veriut.
Si pasojë e përplasjes, ka ndërruar jetë në vendngjarje 26-vjeçarja E. Ll., e cila ishte pasagjere në automjetin me targa të huaja. Nga ky aksident kanë mbetur të plagosur edhe katër persona të tjerë, përkatësisht dy drejtuesit e automjeteve dhe dy pasagjerë. Të lënduarit janë transportuar për në Spitalin e Pogradecit, ku po marrin trajtimin e nevojshëm mjekësor. Sipas njoftimit zyrtar të Policisë, të gjithë të plagosurit ndodhen jashtë rrezikut për jetën.
Grupet hetimore ndodhen në vendin e ngjarjes dhe po punojnë për të zbardhur shkaqet dhe rrethanat e plota të aksidentit.
Përditësime
Policia e Shtetit ka identifikuar viktimën e aksidentit tragjik në Pogradec si Elmedina Lloga, 26 vjeçe. Nga ky aksident kanë mbetur të plagosur edhe 4 persona të tjerë.