Një aksident rrugor ka ndodhur mëngjesin e së premtes në rrugën Transballkanike në Vlorë, ku një automjet tip Audi ka përplasur një person që lëvizte me biçikletë.
Si pasojë e përplasjes, biçiklisti ka marrë dëmtime të rënda dhe është dërguar me urgjencë në Spitalin Rajonal të Vlorës, ku ndodhet në gjendje të rëndë shëndetësore. Identiteti i të plagosurit ende nuk dihet.
Shërbimet e policisë dhe emergjencës kanë mbërritur menjëherë në vendngjarje. Drejtuesi i automjetit është shoqëruar dhe po kryhen veprime procedurale për zbardhjen e rrethanave të ngjarjes.
Sipas informacioneve paraprake, makina ka goditur biçikletën gjatë lëvizjes në këtë aks rrugor. Policia e Vlorës nuk ka lëshuar ende njoftim zyrtar.