Një aksident rrugor ka ndodhur më 5 maj 2026 në zonën e Lumit të Vlorës. Një automjet ka dalë nga rruga, ka përplasur një bordurë betoni dhe ka përfunduar në një kanal anësor.
Sipas të dhënave paraprake, drejtuesi i mjetit ka humbur kontrollin për shkak të shpejtësisë së lartë. Ai ka pësuar lëndime të lehta dhe ka marrë ndihmën e parë mjekësore në vendngjarje.
Automjeti ka pësuar dëme të konsiderueshme materiale. Policia ndodhet në vendngjarje dhe po kryen verifikimet për sqarimin e rrethanave të plotë të ngjarjes.