Një aksident rrugor ka ndodhur ditën e sotme në aksin Fier-Libofshë, pranë fshatit Petovë, ku si pasojë e një përplasjeje të fortë mes dy automjeteve, një Range Rover dhe një Mercedes, kanë mbetur të plagosur katër persona.
Të lënduarit janë dërguar për ndihmë të specializuar në Spitalit Rajonal të Fierit me anë të tre autoambulancave. Sipas informacioneve të deritanishme, të gjithë personat e përfshirë në aksident ndodhen jashtë rrezikut për jetën.
Ngjarja ka sjellë bllokim të përkohshëm të qarkullimit dhe krijimin e një radhe të gjatë automjetesh në këtë segment rrugor. Forcat e policisë kanë mbërritur në vendngjarje dhe po punojnë për zbardhjen e rrethanave dhe shkaqeve të këtij aksidenti.