Një aksident rrugor ka ndodhur mbrëmjen e të mërkurës, 8 prill 2026, në aksin Korçë–Pogradec, në afërsi të fshatit Sovjan. Një automjet tip Benz ka devijuar nga rruga pasi drejtuesi ka humbur kontrollin, ka goditur barrierat mbrojtëse anësore dhe ka përfunduar jashtë karrexhatës.
Si pasojë e përplasjes, shoferi ka pësuar lëndime serioze. Ambulanca ka mbërritur menjëherë në vendngjarje dhe e ka transportuar të plagosurin në Spitalin Rajonal të Korçës për ndihmë mjekësore. Burime spitalore njoftojnë se ai ndodhet në gjendje të rëndë shëndetësore, por jashtë rrezikut për jetën.
Nga aksidenti janë shkaktuar dëme të konsiderueshme materiale. Shërbimet e policisë kanë mbërritur në vendngjarje dhe po punojnë për zbardhjen e plotë të rrethanave dhe shkaqeve të ngjarjes.