Një aksident rrugor është regjistruar në aksin nacional Korçë-Bilisht, pranë fshatit Zëmblak. Sipas informacioneve paraprake, drejtuesi i një motori ka humbur kontrollin mbi mjet dhe ka dalë nga rruga.
Si pasojë e aksidentit, drejtuesi ka pësuar dëmtime të rënda dhe është transportuar me urgjencë drejt Spitalit Rajonal të Korçës. Aktualisht, ai ndodhet në sallën e reanimacionit nën kujdesin intensiv të mjekëve.
Shërbimet e Policisë kanë mbërritur në vendin e ngjarjes dhe po punojnë për zbardhjen e plotë të rrethanave dhe shkaqeve që çuan në këtë aksident.