Një aksident rrugor u regjistrua në juglindje të vendit, në aksin Korçë–Bilisht, pranë fshatit Cangonj në Devoll. Një mjet tip zetor doli nga rruga dhe u përmbys.
Si pasojë e ngjarjes, mbeti i dëmtuar drejtuesi i mjetit, i cili u transportua menjëherë në Spitalin Rajonal të Korçës për ndihmë mjekësore. Sipas informacioneve paraprake, ai ndodhet jashtë rrezikut për jetën.
Shërbimet e policisë mbërritën në vendngjarje dhe po kryejnë veprimet hetimore për të përcaktuar shkaqet dhe rrethanat e aksidentit.