Një aksident rrugor është regjistruar gjatë orëve të para të mëngjesit në qytetin e Korçës. Sipas të dhënave, rreth orës 01:00, një automjet ka humbur kontrollin, duke u përplasur me një pemë dhe më pas është përmbysur në rrugë.
Drejtuesi i mjetit, një shtetas i ri, ka dalë nga automjeti pa pësuar lëndime. Autoritetet policore kanë mbërritur në vendngjarje dhe po kryejnë veprimet procedurale për zbardhjen e rrethanave të aksidentit. Në kuadër të hetimeve, po kryhet ekspertiza teknike dhe analizat përkatëse për të verifikuar nëse drejtuesi ka qenë nën ndikimin e alkoolit.
Përditësime
Hetimet e Policisë së Korçës mbi aksidentin e ndodhur kanë zbardhur detaje të reja. Sipas ekspertëve, automjeti i përfshirë në aksident është një Audi, i cili dyshohet se doli nga rruga për shkak të shpejtësisë tej normave të lejuara. Drejtuesi i mjetit ka marrë ndihmën e parë për lëndime të lehta dhe ndodhet jashtë rrezikut për jetën.