Një aksident rrugor është regjistruar ditën e martë, pranë Kthesës së Viroit në Gjirokastër. Në aksident u përfshinë një mikrobuz me turistë dhe një automjet tip Audi.
Si pasojë e përplasjes, dy persona kanë mbetur të lënduar lehtë. Ata janë transportuar menjëherë në Spitalin Rajonal të Gjirokastrës, ku kanë marrë ndihmën e nevojshme mjekësore dhe ndodhen jashtë rrezikut për jetën. Përveç të lënduarve, përplasja ka shkaktuar dëme të konsiderueshme materiale në të dyja automjetet.
Shërbimet e Policisë Rrugore kanë mbërritur në vendngjarje për të kryer veprimet hetimore, me qëllim zbardhjen e plotë të rrethanave dhe shkaqeve të këtij aksidenti.