Një aksident rrugor është regjistruar mbrëmjen e së mërkurës në hyrje të tunelit të Skërficës, pjesë e rrugës kombëtare Kardhiq-Delvinë. Një automjet ka humbur kontrollin dhe ka dalë nga rruga, duke u përplasur me barrierat anësore.
Sipas informacioneve paraprake, nga ky incident nuk ka pasur persona të lënduar, por janë shënuar vetëm dëme materiale në automjet. Shkaku i dyshuar i aksidentit është lagështia në asfalt, e krijuar si pasojë e reshjeve intensive të shiut që kanë përfshirë zonën gjatë natës. Qarkullimi në këtë aks rrugor nuk është ndërprerë pas ngjarjes.