Një aksident rrugor ndodhi pasditen e së mërkurës, më 25 shkurt 2026, rreth orës 16:45, në lagjen nr. 10, pranë vendit Lëndina e lotëve dhe rrethrrotullimit të stadiumit Skënderbeu në Korçë.
Automjeti tip Benz, me drejtues shtetasin V. D., 31-vjeç, përplasi shtetasen M. P., rreth 65-vjeçe, ndërsa ajo kalonte rrugën te vijat e bardha si këmbësore.
Si pasojë, e moshuara u dërgua me urgjencë në spitalin rajonal të Korçës, ku po merr ndihmën e nevojshme mjekësore dhe ndodhet jashtë rrezikut për jetën.
Policia rrugore mbërriti në vendngjarje dhe po kryen veprimet procedurale për dokumentimin e ngjarjes. Grupi hetimor po punon për zbardhjen e rrethanave dhe shkaqeve të aksidentit, ndërsa me drejtuesin e mjetit po kryhen veprimet e mëtejshme.