Artikulli u përditësua — Shiko përditësimet
Një aksident trafiku me pasoja fatale ka ndodhur paraditen e së hënës në Baincë të Drenasit, ku një person mashkull ka humbur jetën.
Zëdhënësja e Policisë së Kosovës për rajonin e Prishtinës, Flora Ahmeti, bëri të ditur se ngjarja ka ndodhur rreth orës 09:40. Në aksident janë përfshirë dy automjete: një kamion dhe një veturë.
"Vdekja e viktimës është konstatuar nga ekipi mjekësor në vendin e ngjarjes, ndërsa me rastin po merret njësiti i trafikut rajonal", deklaroi Ahmeti.
Përditësime
Flora Ahmeti deklaroi: „Sot rreth orës 09:40, kemi pranuar informacionin se një person ka mbetur i vdekur“.
Policia vazhdon hetimet për sqarimin e rrethanave të ngjarjes.