Një ngjarje tragjike është shënuar në aksin rrugor Lin-Pogradec, ku një 32-vjeçar ka humbur jetën si pasojë e plagëve të marra në një aksident automobilistik. Viktima është identifikuar si shtetasi A.I..
Sipas njoftimit zyrtar të Policisë, ngjarja ka ndodhur kur 32-vjeçari, teksa ishte duke drejtuar automjetin e tij, dyshohet se ka humbur kontrollin mbi drejtimin e mjetit, duke bërë që ky i fundit të dalë nga rruga.
Pavarësisht ndërhyrjes mjekësore dhe dërgimit në spital, drejtuesi i mjetit nuk ka mundur t'u mbijetojë plagëve dhe ka ndërruar jetë pak orë pas aksidentit. Aktualisht, grupi hetimor ndodhet në vendngjarje dhe po vijon punën për sqarimin e plotë të rrethanave dhe shkakut të saktë të këtij aksidenti fatal.