Një aksident tragjik u shënua mëngjesin e sotëm në qytetin e Maliqit, ku shtetasi Igli Kllogjeri, 44 vjeç, humbi jetën në rrethana aksidentale. Sipas njoftimit zyrtar të Policisë së Shtetit, ngjarja ndodhi rreth orës 07:10 në lagjen Krastafilak.
Viktima ishte taksist dhe në momentin e ngjarjes ishte duke u përgatitur për t'u nisur drejt Bilishtit, sipas dëshmive të banorëve të zonës. Igli Kllogjeri ishte duke ngarkuar sende në automjetin e tij kur ndodhi tragjedia. Dyshohet se mjeti nuk ka qenë i siguruar me frenë dore dhe për rrjedhojë ka nisur të lëvizë në një terren të pjerrët.
44-vjeçari ka tentuar të ndalojë automjetin nga pjesa e pasme, por mjeti e ka zënë poshtë, duke i shkaktuar plagë fatale. Në vendngjarje kanë mbërritur shërbimet e Policisë dhe zjarrfikësit për të kryer veprimet e nevojshme.
Grupi hetimor po vijon punën për dokumentimin e plotë të shkaqeve dhe rrethanave të kësaj ngjarjeje, duke mbledhur dëshmi nga vendi i aksidentit për të sqaruar dinamikën e plotë të ngjarjes.
Përditësime
Viktima Igli Kllogjeri ishte taksist dhe po përgatitej për t'u nisur drejt Bilishtit në momentin e aksidentit tragjik.