Një mësues me emrin Alban Bejleri u gjet i pajetë në rrugë në fshatin Marjan të Bashkisë Maliq, në njësinë administrative Gorë. Ngjarja ndodhi më 16 prill 2026, pas përfundimit të procesit mësimor.
Bejleri, rreth 52-55 vjeç dhe nga rrethi i Devollit, ushtronte profesionin në shkollën e fshatit Marjan. Ai ecte disa kilometra në këmbë çdo ditë për të arritur te nxënësit, pasi automjetet nuk shkonin deri në zonën e largët. Dyshohet se ka pësuar infarkt rrugës për te makinën.
Burime bëjnë të ditur se mësuesi vuante nga probleme shëndetësore. Pas mungesës së tij në banesë, familjarët njoftuan policinë. Trupi i pajetë po dërgohet në morgun e Spitalit të Korçës për ekzaminime të mëtejshme, me vonesë për shkak të distancës së madhe dhe kushteve të vështira rrugore në zonë.
Policia ka filluar veprimet për rastin.
Përditësime
Policia e Shtetit sqaron se Alban Bejleri kryente ecje ditore rreth 20 kilometrash.