Ngjarja është regjistruar gjatë orëve të para të mëngjesit të kësaj të mërkure në fshatin Libonik të Maliqit. Viktima, rreth 60 vjeç, është gjetur pa shenja jete nga i vëllai, me të cilin ndante banesën prej një muaji. Ky i fundit, pasi ka konstatuar ngjarjen, i ka kërkuar një fqinji të njoftojë shërbimet e urgjencës dhe policinë.
Grupi hetimor ka kryer këqyrjen e vendit të ngjarjes dhe trupit të pajetë. Sipas informacioneve zyrtare, në trup nuk janë vënë re shenja dhune. Trupi i pajetë është dërguar për ekspertizë mjeko-ligjore, e cila do të përcaktojë shkakun e saktë të vdekjes. Policia ka nisur veprimet procedurale për zbardhjen e rrethanave të plota të kësaj ngjarjeje.