Një ngjarje tragjike është shënuar mesditën e sotme në ujërat e liqenit të Pogradecit, ku një shtetas 30-vjeçar ka ndërruar jetë. Viktima, e identifikuar si Kërtis Rizvani me origjinë nga Maliqi, ishte duke lundruar në një varkë së bashku me dy persona të tjerë, përpara se të hidhej në liqen.
Menjëherë pas njoftimit, grupi hetimor ka mbërritur në vendngjarje për të zbardhur rrethanat e plota. Hetimet po përqendrohen në verifikimin e shkaqeve të sakta që çuan në humbjen e jetës. Autoritetet po shqyrtojnë mundësinë nëse viktima ka pësuar ndonjë problem të papritur shëndetësor, siç mund të jetë një infarkt pas kontaktit me ujin, apo nëse vdekja ka ardhur si pasojë e mbytjes.
Ndërkohë, burime të ndryshme mediatike raportojnë për pista të ndryshme hetimore që po ndiqen nga policia në lidhje me dinamikën e ngjarjes.
Përditësime
Autoritetet policore saktësuan se viktima është 32-vjeçari Kërtis Rizvani, duke korrigjuar raportimin fillestar për moshën 30-vjeçare. Trupi i të riut është nxjerrë nga ujërat e liqenit të Pogradecit dhe është dërguar në morgun e qytetit për kryerjen e ekspertizës mjeko-ligjore. Hetimet paraprake sugjerojnë se i riu, i cili jetonte me qira në fshatin Libonik të Maliqit me nënën dhe motrën, u hodh në ujë për t'u larë përpara se të humbiste jetën. Rizvani ishte i pamartuar dhe ndodhej në varkë në shoqërinë e dy personave të tjerë në momentin e incidentit.