Një aksident rrugor ka ndodhur pasditen e sotme në autostradën Tiranë-Elbasan, ku katër automjete janë përplasur në një përplasje zinxhir.
Nga ngjarja nuk ka pasur persona të lënduar, por vetëm dëme materiale. Aksidenti ka shkaktuar radhë kilometrike dhe vështirësi të përkohshme në qarkullimin e automjeteve në këtë aks rrugor të rëndësishëm.
Forcat e Policisë Rrugore dhe grupi hetimor kanë mbërritur në vendngjarje. Ato kanë ndërhyrë për normalizimin e qarkullimit dhe po punojnë për zbardhjen e plotë të rrethanave të aksidentit.