Aktivistja Sidorela Vatnikaj deklaroi gjatë protestës së zhvilluar para Kryeministrisë se libri "The Albanian Files" do të depozitohet pranë Prokurorisë së Posaçme (SPAK). Sipas saj, ky publikim duhet të hetohet nga organet e drejtësisë si një "armë krimi".
Në fjalën e saj, Vatnikaj u bëri thirrje qytetarëve që të bashkohen në një nismë për të firmosur në libër, duke shprehur kështu mospajtimin e tyre me përmbajtjen. Ajo u shpreh se kryeministri Edi Rama "kujton se mund të bëhet mbret" përmes këtij botimi, duke theksuar se protesta ka hyrë në ditën e saj të 30-të.
Kjo nismë vjen si pjesë e thirrjeve të vazhdueshme të protestuesve për një hetim nga institucionet e drejtësisë së re. Aktivistët e pranishëm rikonfirmuan mbështetjen për punën e SPAK-ut, duke kërkuar që botimi të bëhet pjesë e dosjeve hetimore.