Autoriteti Kombëtar i Sigurisë Ushqimore (AKU) ka bllokuar mensën e Akademisë së Sigurisë pas ngjarjes ku u helmuan 56 studentë.
Analizat e kryera treguan se mensa është jashtë kushteve normale higjienike. Për këtë arsye, AKU i ka vendosur shiritin e mbylljes.
Akademia e Sigurisë furnizohet me ushqim nga kompania Sori Al përmes shërbimit të kateringut. Studentët ushqehen në mensën e institucionit, e cila pas verifikimeve ka rezultuar jashtë çdo standardi higjienik.
Pas bllokimit, kursantët e Akademisë së Sigurisë do t’i nxjerrin në praktikë jashtë institucionit, pasi nuk disponojnë më vend për ushqyerje në akademi.