Autoriteti Kombëtar i Ushqimit (AKU) ka pezulluar aktivitetin e kompanisë KMY në Tiranë pas zbulimit të shkeljeve të rënda higjieno-sanitare. Ngjarja ndodhi gjatë kontrolleve në ambientet e biznesit.
Inspektorët sekuestruan 738 kg fileto dhe gjoks pule, të cilat trajtoheshin në kushte të papërshtatshme. Mishi vendosej drejtpërdrejt në tokë gjatë proceseve të ngrirjes dhe shkrirjes. Gjithashtu, produkti ruhej në një ambient me prani e mykut dhe ndryshkut, çka paraqet rrezik për sigurinë ushqimore.
AKU Tiranë vendosi pezullimin e aktivitetit deri në përmbushjen e plotë të standardeve ligjore. Sasia e sekuestruar u asgjësua menjëherë për të parandaluar kalimin e saj në treg dhe te konsumatorët.
Përditësime
AKU ka gjobitur KMY-në me 300.000 lekë dhe ka bllokuar produktet për analiza mikrobiologjike (588 kg fileto 'Super Frango' dhe 150 kg gjoks 'Pechungon'). AKU përmend gjithashtu subjektin Bonum për shkelje të ngjashme.