Në dosjen e Jeffrey Epstein janë publikuar rreth 3 milionë e-mail-e të deklasifikuara nga qeveria amerikane. Gazeta franceze Le Figaro ka analizuar materialet dhe ka konstatuar se emri i Al Seckel përmendet më shumë se 1000 herë.
Al Seckel, amerikan i lindur në 1958 në New York dhe i ndarë nga jeta në Saint-Cirq-Lapopie të Francës, dyshohet se kishte marrë përsipër një operacion të gjerë në internet për të zbutur ose fshirë reputacionin e Jeffrey Epstein si autor i krimeve seksuale. Epstein u dënua në 2008 për trafikim të të miturve për qëllime seksuale, një çështje që shpërtheu në një skandal të madh në SHBA dhe më gjerë.
Para publikimit të këtyre detajeve për Seckel, dokumentet përmendin qindra herë emra të tjerë si:
- Jack Lang, ish-ministër francez i Kulturës;
- Fabrice Aidan, diplomat;
- Frédéric Chaslin, dirigjent;
- Simon Ghraichy, pianist.
Zbulimet e reja pritet të rrisin presionin mbi figurat e përfshira në korrespondencat e publikuara. Dosja vazhdon të nxjerrë në dritë lidhje dhe ndërhyrje të dyshuara për menaxhimin e imazhit publik të Epstein.