Përfaqësuesja e Kosovës humbi me rezultat 0:1 ndaj Turqisë në finalen e playoff-it kualifikues për Kupën e Botës 2026.
Mbrojtësi Albian Hajdari u detyrua të dilte nga loja në pjesën e dytë për shkak të një lëndimi në kokë. Ai luajti për disa minuta pas lëndimit, para se ta zëvendësonte Fidan Aliti.
Pas ndeshjes, Hajdari ndau një mesazh në Instagram: "Asnjë pikë gjaku nuk është e tepërt për këtë vend! Sot Kosova mund të duket e vogël për shumëkënd, por një ditë do të jetë e madhe në zemrat e të gjithëve. Humbëm, por krenaria nuk humbet kurrë. Kosova gjithmonë në zemër! Alhamdulillah".
Hajdari ka qenë një nga lojtarët kryesorë gjatë eliminatoreve dhe ndihmoi Kosovën të arrinte në finale.