Ushtruesja e detyrës së presidentes së Kosovës, Albulena Haxhiu, ka deklaruar se janë duke u zhvilluar angazhime institucionale për gjetjen e presidentit të ri të vendit. Në një prononcim të shkurtër, Haxhiu theksoi se po punohet intensivisht për arritjen e një zgjidhjeje.
Këto komente u bënë gjatë një konference për media, të mbajtur pas dekretimit të shtetësisë së Kosovës për aktivistin shqiptaro-amerikan Joe DioGuardi dhe bashkëshorten e tij, Shirley DioGuardi.
Zgjedhja e kreut të shtetit vazhdon të mbetet një prej çështjeve qendrore në zhvillimet politike dhe institucionale në vend. Haxhiu konfirmoi angazhimin e institucioneve duke thënë: "Ta gjejmë një president të ri, jemi duke punuar për këtë".