Kryetarja e Kuvendit të Kosovës, Albulena Haxhiu, do të zhvillojë të martën, më 27 tetor 2026, një vizitë zyrtare në Maqedoninë e Veriut. Ajo do të pritet me ceremoni shtetërore nga homologu i saj, kryetari i Kuvendit të Maqedonisë së Veriut, Afrim Gashi.
Sipas njoftimit të Kuvendit të Kosovës, Haxhiu do të zhvillojë takim dypalësh me Gashin. Në program janë parashikuar gjithashtu takime me presidenten e Maqedonisë së Veriut, Gordana Siljanovska-Davkova, dhe kryeministrin Hristijan Mickoski.
Gjatë qëndrimit, Haxhiu do të takohet edhe me kryetarët e komunave me shumicë shqiptare. Programi përfshin gjithashtu një vizitë në Muzeun e Artit Bashkëkohor.