Ambasadorja e Kosovës në Izrael, Ines Demiri, ka lëshuar një njoftim zyrtar për qytetarët kosovarë atje, pas sulmeve të SHBA-së dhe Izraelit kundër Iranit të shtunës.
Në postimin në Facebook, ajo u bën thirrje bashkëatdhetarëve të tregojnë vigjilencë të shtuar, të ndjekin njoftimet zyrtare dhe të zbatojnë udhëzimet e sigurisë të autoriteteve izraelite. Ministria e Punëve të Jashtme dhe Diasporës (MPJD), së bashku me Ambasadën, po monitoron nga afër zhvillimet dhe është në komunikim të vazhdueshëm me institucionet vendase.
Ambasada është plotësisht në dispozicion të qytetarëve. Për raste urgjente, ata mund të kontaktojnë numrin +972 586 340450. Ky numër përdoret vetëm nga qytetarët në Izrael, jo për kërkesa nga mediat.
MPJD dhe Ambasada do të informojnë rregullisht për zhvillime të reja.
Përditësime
Ambasada e Kosovës në Izrael u bën thirrje qytetarëve kosovarë në Emiratet e Bashkuara Arabe të ndjekin burimet zyrtare dhe udhëzimet vendore, si dhe të shmangin zonat e sigurisë dhe ushtarake.
Ambasada paralajmëron për rrezikun e përshkallëzimit, që mund të çojë në ndërprerje të udhëtimeve, dhe ofron numrat e telefonit për kontakt.