Ministria e Punëve të Jashtme ka lëshuar një njoftim më 28 shkurt 2026, duke u bërë thirrje qytetarëve shqiptarë në Izrael të tregojnë kujdes të shtuar pas sulmeve të përbashkëta të Shteteve të Bashkuara dhe Izraelit në Iran.
Në njoftim thuhet se situata konsiderohet e jashtëzakonshme. Qytetarët shqiptarë duhet të ndjekin me vëmendje njoftimet zyrtare dhe të respektojnë udhëzimet e sigurisë të autoriteteve vendore izraelite.
Ministria e Punëve të Jashtme dhe Ambasada Shqiptare në Tel Aviv po ndjekin nga afër zhvillimet. Ambasada është në dispozicion të plotë për qytetarët shqiptarë dhe ndodhet në komunikim të vazhdueshëm me autoritetet vendase.
Për nevoja emergjente, qytetarët shqiptarë në Izrael mund të kontaktojnë në numrat:
- +972 54 904 2813
- +972 54 480 6601
Këto kontakte përdoren vetëm nga qytetarët e pranishëm në Izrael dhe nuk ofrojnë informacion për median. Ministria e Punëve të Jashtme do të vijojë të njoftojë rregullisht për zhvillimet e mëtejshme.
Përditësime
Ambasada e Kosovës në Izrael lëshoi njoftim të ngjashëm për kosovarët, me numrin e emergjencës +972 586 340450.
MEPJ u bën thirrje qytetarëve shqiptarë në Iran të tregojnë kujdes të shtuar dhe të kontaktojnë përfaqësitë diplomatike.