Me rastin e ditëlindjes së presidentit Donald J. Trump, Ambasada e Shteteve të Bashkuara në Tiranë ka publikuar një mesazh zyrtar urimi. Përfaqësia diplomatike i është referuar Trump si presidenti i 45-të dhe i 47-të i Shteteve të Bashkuara.
Në mesazhin publik, të shoqëruar me një fotografi, thuhet: "Gëzuar ditëlindjen Presidentit të 45-të dhe të 47-të të Shteteve të Bashkuara, Donald J. Trump. Një patriot i palodhur që lufton çdo ditë për vendin që do, për njerëzit të cilëve u shërben dhe për Ëndrrën Amerikane".
Ky vlerësim është shpërndarë në platformat zyrtare të ambasadës për të shënuar përvjetorin e lindjes së kreut të shtetit amerikan.