Ambasada e Shteteve të Bashkuara në Tiranë ka shpërndarë në rrjetet sociale një pasazh nga fjala e Sekretarit të Shtetit Marco Rubio në Konferencën e Sigurisë në Mynih.
Në mesazh, Rubio thekson se SHBA-të dhe Europa i përkasin njëra-tjetrës dhe shprehet për synimin e krijimit të një aleance që ngrihet me guxim drejt së ardhmes. Ai shton se e vetmja frikë është ajo nga turpi nëse kombet nuk lihen më të mira për brezat e ardhshëm.
Citati i plotë i shpërndarë është si vijon:
“Ne duam një Aleancë që ngrihet me guxim drejt së ardhmes. Dhe e vetmja frikë që kemi është frika nga turpi që nuk i lëmë kombet tona më krenare, më të forta dhe më të pasura për fëmijët tanë. Një Aleancë e gatshme të mbrojë popujt tanë, të ruajë interesat tona dhe të mbrojë lirinë e veprimit që na lejon të formësojmë vetë fatin tonë.” – Sekretari i Shtetit në Konferencën e Sigurisë në Mynih.