Ambasada e Shteteve të Bashkuara të Amerikës në Prishtinë ka shpërndarë një njoftim nga Departamenti i Shtetit amerikan në lidhje me pezullimin e lëshimit të të gjitha vizave imigruese të programit të diversitetit (DV), të njohur si lotaria amerikane.
Sipas njoftimit, ky vendim është marrë për të marrë kohën dhe masat e nevojshme me qëllim mbrojtjen e sigurisë kombëtare dhe publike të Shteteve të Bashkuara.
Njoftimi thekson se aktualisht nuk ka asnjë informacion të ri për lotarinë e vizave të vitit 2027 (DV-2027). Teksti i plotë thotë: «Në rast se e keni humbur: Departamenti i Shtetit ka pezulluar lëshimin e të gjitha vizave imigruese të diversitetit. Do të marrim kohën dhe masat e nevojshme për të mbrojtur sigurinë kombëtare dhe sigurinë publike të SHBA-së. Aktualisht nuk ka njoftime të reja lidhur me DV-2027».
Autoritetet amerikane nuk kanë dhënë afate se kur mund të rishqyrtohet ky vendim.