Ambasadori i Mbretërisë së Bashkuar në Kosovë, Jonathan Hargreaves, zhvilloi një takim me presidenten Vjosa Osmani për të diskutuar nevojën urgjente që Kosova t’i rikthehet stabilitetit politik.
Pas takimit, ai postoi në Facebook: «Sot bisedova me Vjosa Osmani për nevojën urgjente që Kosovës t’i rikthehet stabiliteti politik, në mënyrë që të mundësohet përparimi në agjendat e brendshme dhe ndërkombëtare. Në këtë kohë pasigurie të shtuar politike, një diskutim politik i respektueshëm dhe konstruktiv është jetik për të gjetur një rrugë përpara».
Kjo deklaratë vjen në kontekstin e vendimit të Gjykatës Kushtetuese, e cila të hënën vendosi masë të përkohshme deri më 31 mars lidhur me dekretin e presidentes Osmani për shpërndarjen e Kuvendit. Deri në këtë datë, është ndaluar çdo veprim i saj në drejtim të shpalljes së zgjedhjeve, ndërsa është pezulluar edhe puna e Kuvendit.