Silvio Gonzato, ambasador i Bashkimit Evropian në Shqipëri, zhvilloi një vizitë në ambientet e Gjykatës së Posaçme kundër Korrupsionit dhe Krimit të Organizuar (GJKKO) më 13 maj.
Gjatë vizitës, Gonzato u takua me kryetarin e gjykatës, Erion Bani. Ambasadori la ambientet e GJKKO-së pak më parë.
Nuk ka informacione zyrtare për temat e diskutuara apo qëllimin e vizitës. Ditë më parë, GJKKO përuroi zyrat e reja moderne në kuadër të reformës në drejtësi dhe sigurisë në gjykata.