Blerta Kadzadej, ambasadorja e Shqipërisë në Turqi, ka folur në emisionin Review të Euronews Albania për riatdhesimin e Eva Dumanit nga kampi Al-Hol në Siri.
Eva Dumani kishte qëndruar në kamp për 12 vjet. Ambasadorja e cilësoi rastin si "fundi i një kalvari të gjatë të dy fëmijëve, të cilët duhet të jetonin jetën fëmijërore siç i takon të gjithëve, por që patën një fatkeqësi".
Operacioni filloi më datën 5 dhe u zhvillua me bashkëpunimin e shumë institucioneve. Ata e morën Evën nga Ministria për Evropën e Jashtme e Turqisë, e cila ishte përgjegjëse për kampin. Procesi kërkoi koordinim me diplomatët turq dhe autoritetet vendore.
"Ky ishte një rast kompleks që kërkoi bashkëpunimin me shumë institucione dhe me diplomatët e Turqisë. Gjithashtu, koordinimi me autoritetet turke, që ishte i përkryer, kërkonte një trajtim më të përmbledhur nga mediatizimi i tepërt dhe nga ana njerëzore", u shpreh ajo.
Pas procedurave, Eva Dumani hyri në Turqi nga kampet e Sirisë. Ambasadorja nënvizoi respektimin e protokolleve dhe rregullave të shtetit pritës, si dhe trajtimin e duhur nga autoritetet turke, të cilat vepruan pa dyshime.