Amir Rrahmani, kapiteni i përfaqësueses së Kosovës, ka motivuar bashkëlojtarët para duelit me Sllovakinë në kuadër të play-off-it për kualifikimet në Kupën e Botës 2026.
Në një postim në rrjetet sociale, Rrahmani thekson sakrificën e një dekade të “Dardanëve” dhe rrugën e vështirë të Kosovës deri te ky moment.
“10 vite pritje dhe sakrificë për një ditë si kjo…”, shkruan ai në Instastory.
Dueli zhvillohet në Bratislavë. Me një fitore, Kosova kalon në finalen e play-off-it, ku pret në stadiumin Fadil Vokrri fituesin e ndeshjes Turqi-Rumani.
Rrahmani nuk do të jetë në dispozicion për shkak të një lëndimi, mungesë e ndjeshme në mbrojtje dhe udhëheqje në fushë.