Amir Rrahmani, qendërmbrojtës dhe kapiten i kombëtares së Kosovës, pësoi një lëndim muskulor gjatë ndeshjes së Napoli kundër Sassuolo në Serie A.
Ai ishte titullar i padiskutueshëm në formacionin e trajnerit Antonio Conte dhe zhvilloi një paraqitje pozitive në mbrojtje për 67 minuta. Pas këtij momenti, Rrahmani u pa duke kapur me dorë pjesën e pasme të këmbës dhe u detyrua të largohej nga fusha, pasi nuk mund të vazhdonte lojën.
Ende nuk dihet saktësisht shkalla e lëndimit. Brenda pak orëve, lojtari do t’i nënshtrohet testeve mjekësore për të mësuar detajet dhe datën e mundshme të rikthimit në fushë.
Ky incident shkakton shqetësim për Napoli, ku Rrahmani konsiderohet shtyllë kryesore e mbrojtjes, si dhe për kombëtarën e Kosovës. Mungesa e tij mund të ndikojë në ekuilibrin difensiv të skuadrës së Conte.
Përditësime
Amir Rrahmani u zëvendësua nga Buongiorno për një problem muskulor në kofshën e majtë, raporton La Gazzetta dello Sport.