Amir Rrahmani është gati për t’u rikthyer në fushë pas dy muajsh jashtë futbollit për shkak të lëndimit.
Qendërmbrojtësi i Napolit dhe i kombëtares së Kosovës u lëndua në ndeshjen e 15 shkurtit kundër Romës. Kjo e mbajti atë jashtë në shtatë ndeshje të ardhshme të ekipit të tij, ndërsa në të tetën mbeti në bankën rezervë gjatë humbjes 0-2 ndaj Lazios në stadiumin Diego Armando Maradona të shtunën. Atje u ftua në fushë, por nuk luajti dhe u dërgua vetëm të nxehej për pak kohë.
Sipas gazetës italiane Gazzetta dello Sport, Rrahmani do të luajë nga fillimi në takimin e Napolit kundër Cremoneses të premten, sërish në Diego Armando Maradona, me fillim nga ora 20:45.
Ky është lëndimi i tretë për 32-vjeçarin këtë edicion. Në janar ai mungoi për katër ndeshje, ndërsa ai më i rëndi ishte në shtator, gjatë ndeshjes së Kosovës ndaj Zvicrës në Basel, që e detyroi të humbë 11 ndeshje me Napolin.