Amir Rrahmani, qendërmbrojtësi kosovar i Napoli-t dhe kapiteni i Kombëtares së Kosovës, pritet të rikthehet në fushë më 18 prill.
Mediat italiane, veçanërisht La Repubblica, njoftuan se futbollisti po kryen ushtrime specifike dhe individuale për të kapur fundin e sezonit. Ai do të jetë në dispozicion të trajnerit Antonio Conte për ndeshjen e rëndësishme kundër Lazion në stadiumin Diego Armando Maradona.
Ndonëse pritej rikthimi në pjesën e parë të prillit, kjo nuk ka ndodhur ende.
Rrahmani ka mbetur jashtë lojës që nga muaji shkurt, kur u lëndua në duel me Romën. Ai mungoi edhe dy ndeshjet vendimtare të Kombëtares së Kosovës për kualifikim në Botëror, kundër Rumanisë dhe Turqisë në mars.