Rezultatet e analizave të autopsisë, të kryera në foshnjën 4-muajshe që kishte në bark 12-vjeçarja nga Pogradec, kanë dalë pas gati dy muajsh. Analizat konfirmojnë se fëmija i përkiste 67-vjeçarit Rushan Selko, i cili është arrestuar nga policia.
Analizat u dorëzuan pak ditë më parë dhe u bashkëngjitën dosjes hetimore të Prokurorisë së Korçës. Kjo prokurori pritet të paraqesë në gjykatë kërkesën për mbylljen e hetimeve dhe nisjen e gjykimit ndaj të dyshuarit.
Ngjarja u zbulua në dhjetor të vitit të kaluar, kur u konstatua shtatzënia 4-muajshe e të miturës. E mitura nuk u ka treguar prindërve të saj për ngjarjen, pasi 67-vjeçari Rushan Selko e ka kërcënuar vazhdimisht se do ta vriste nëse ia tregonte prindërve.