Trajneri i kombëtares braziliane, Carlo Ancelotti, është i gatshëm të përjashtojë një emër të madh nga lista për Kupën e Botës 2026 në mënyrë që të përfshijë Neymarin. Sulmuesi 34-vjeçar është rikthyer te klubi i fëmijërisë Santos dhe ka kontribuar me 17 gola e 8 asistime për të ndihmuar skuadrën të shmangë rënien nga kategoria.
Neymari nuk ka luajtur për kombëtaren që nga viti 2023. Sipas raportit të ESPN Brazil, rikthimi i tij në formë ka ndryshuar planet dhe ka vënë në rrezik vendin e João Pedros, i cili ka shënuar 20 gola në të gjitha garat këtë sezon.
Ancelotti nuk ka marrë ende vendimin përfundimtar dhe do të vlerësojë gjendjen fizike dhe ndikimin e lojtarit deri në momentin e fundit. Lista e pritshme përfshin edhe Raphinhën, Vinícius Júniorin, Matheus Cunhën dhe Gabriel Martinellin.