Anis Mehmeti ndodhet në pozitë delikate para ndeshjes së nesërme të Ipswich-ut kundër Sheffield Wednesday në Championship.
Ai ka grumbulluar 9 kartonë të verdhë në 37 paraqitje, ku ka shënuar 10 gola dhe 8 asistime për të dytin sezon radhazi. Sipas rregullit të Championship-ut, një karton i verdhë i dhjetë do të sjellë pezullim dy-javësh, duke e lënë atë jashtë dy ndeshjeve të ardhshme.
Kjo rrezikon interesat e Ipswich-ut, që synon rikthimin në Premier League dhe ndodhet 4 pikë larg vendit të dytë për ngjitje direkte.
Mehmeti nuk është ftuar nga trajneri i Kombëtares Shqiptare Silvinjo që nga viti 2023. Me vlerën aktuale prej 14 milionë eurosh, ai është lojtari më i vlerësuar shqiptar në treg.
Ndeshja e nesërme paraqet sfidë të rëndësishme për Ipswich-un në garën për ngjitje.