Gjykata e Apelit të Posaçëm ka lënë në fuqi vendimin e Gjykatës së Posaçme Kundër Korrupsionit dhe Krimit të Organizuar (GJKKO) për këqyrjen e celularëve të sekuestruar në kuadër të dosjes Balluku. Vendimi konfirmon se pajisjet mund të hapen dhe analizohen nga hetuesit e SPAK.
Kompania Senka shpk, një nga subjektet e kontrolluara me urdhër të SPAK në këtë dosje, kishte ankimuar vendimin e GJKKO. Gjykata e Apelit e rrëzoi ankimin, duke mbajtur në fuqi urdhërin për këqyrjen e 80 pajisjeve.
GJKKO ka urdhëruar analizën e plotë të këtyre celularëve si pjesë e hetimeve ndaj ish-zv.kryeministres dhe ministres Belinda Balluku, e cila është marrë të pandehur nga SPAK.
Ndërkohë, ditën e djeshme janë ushtruar 20 kontrolle ndaj familjarëve të Ballukut dhe bashkëpunëtorëve të ngushtë të saj.