Arben Gashi, ish-deputet dhe ish-shef i grupit parlamentar të LDK-së, ka njoftuar se do të garojë sërish për deputet në Kuvendin e Kosovës në zgjedhjet parlamentare të 7 qershorit.
Me propozim të Degës së LDK-së në Pejë dhe Degës IV të LDK-së në Prishtinë, ai e ka bërë të ditur këtë në një postim në Facebook: «Me propozim të Degës së LDK-së në Pejë dhe Degës IV të LDK-së në Prishtinë, jam kandidat edhe për një mandat për deputet në Kuvendin e Kosovës».
Gashi falënderon strukturat e Lidhjes Demokratike të Kosovës, votuesit dhe qytetarët për besimin e vazhdueshëm. Ai premton se do të vazhdojë me përkushtim në mbrojtje të vlerave politike, të sistemit demokratik dhe të besimit qytetar, për një Kosovë demokratike, të zhvilluar dhe të përhershme.
«Më 7 qershor është momenti kur së bashku e përcaktojmë të ardhmen e Kosovës. Na priftë e mbara!», ka shtuar ai.
Në zgjedhjet e fundit parlamentare, të mbajtura më 28 dhjetor 2025, Gashi nuk kishte siguruar mandatin e deputetit.