Kujtim Shala ka njoftuar se do të garojë për deputet në zgjedhjet parlamentare të 7 qershorit, pas propozimit të Degës së Lidhjes Demokratike të Kosovës (LDK) në Pejë.
Ai e ka bërë të njohur këtë lajm përmes një postimi në rrjete sociale, ku falënderon kolegët e degës për mbështetjen dhe besimin e dhënë.
Sipas Shalës, nga dega e Pejës në këtë garë do të jenë edhe kandidatë të tjerë:
- Sadri Berisha
- Besa Gaxherri
- Arben Gashi
- Naser Gega
- Jeton Kelmendi
- Diellza Bakraçi
Postimi i plotë i Kujtim Shalës:
"Të dashur qytetarë, anëtarë dhe simpatizantë të Lidhjes Demokratike të Kosovës! Në bazë të propozimit të Degës së Pejës, në zgjedhjet e 7 qershorit, do të jem kandidat për deputet. Falënderoj kolegët e degës sime për propozimin dhe për mbështetjen e vazhdueshme. Nga dega jonë, në këtë garë do të jenë edhe: Sadri Berisha, Besa Gaxherri, Arben Gashi, Naser Gega, Jeton Kelmendi dhe Diellza Bakraçi. Na priftë e mbara!"