Anësori i djathtë Arda Kurtulan nuk u përfshi në listën paraprake të skuadrës turke për Botërorin 2026. Trajneri Vincenzo Montella e publikoi listën sot dhe emri i futbollistit me origjinë shqiptare nuk figuron aty.
Kurtulan ka qenë titullar i rregullt në Superligën turke me fanellën e Goztepe. Në 31 ndeshje të këtij edicioni ai shënoi 4 gola dhe dha 2 asiste. Këto paraqitje sollën thirrje në Turqi që ai të grumbullohet me përfaqësuesen e vendit.
Në të kaluarën Kurtulan ka luajtur rregullisht me Shpresat e Shqipërisë. Ai pret prej më shumë se dy vitesh një ftesë nga trajneri Silvinjo, por deri tani nuk është konsideruar si mundësi.
Nëse Silvinjo do t'i japë përparësi të ardhmes kuqezinjtë gjatë miqësoreve të qershorit, Kurtulan mund të bëhet alternativë për të veshur fanellën e Shqipërisë.