Arda Kurtulan dha një paraqitje të rëndësishme në ndeshjen midis Göztepe-s dhe Fenerbahçe-s në Stamboll, në kuadër të Superligës turke, më 25 janar 2026.
Në pjesën e parë, pas një kundërzbritjeje, Kurtulan bëri një sprint prej 70 metrash dhe nga krahu i djathtë dha asistin për golin e shënuar nga Xheferson, duke çuar rezultatin në 1-0 për Göztepe-në. Ndeshja u mbyll me barazim 1-1.
Ky rezultat bëri që Fenerbahçe-ja të humbë hapin ndaj Galatasaray-t kryesues, ndërsa Göztepe mbrojti vendin e katërt në renditje.
Kurtulan luan në krahun e djathtë dhe ka luajtur me Shpresat e Shqipërisë, por trajneri i Kombëtares shqiptare Silvinjo nuk e ka grumbulluar kurrë për ndeshjet e kuqezinjve, pavarësisht mungesës së alternativave në atë pozicion.