Kryetari i Aleancës, Ardian Gjini, zhvilloi një takim zyrtar me ambasadorin e Austrisë në Kosovë, Georg Schnetzer. Qëllimi kryesor i këtij takimi ishte shqyrtimi i zhvillimeve aktuale politike në vend dhe adresimi i situatës së krijuar pas procesit zgjedhor të zhvilluar më 7 qershor.
Sipas njoftimit, Gjini e njoftoi ambasadorin austriak lidhur me qëndrimin e subjektit politik që ai drejton. Ai theksoi se Aleanca është e gatshme të ofrojë kontributin e saj për tejkalimin e ngërçit institucional, por vetëm në funksion të një agjende e cila garanton zhvillim, stabilitet dhe siguri kombëtare.
Gjatë këtij takimi, Gjini shprehu mirënjohjen e tij për rolin dhe mbështetjen e vazhdueshme që Austria i ka ofruar Kosovës ndër vite. Ky bashkëpunim u vlerësua si mjaft i rëndësishëm për proceset e shtetndërtimit dhe për avancimin e rrugës së Kosovës drejt integrimit euroatlantik.