Kryeministri i Republikës së Kosovës, Albin Kurti, priti në takim ambasadorin e Republikës së Austrisë në Kosovë, Georg Schnetzer.
Gjatë këtij takimi, ambasadori Schnetzer e uroi kryeministrin Kurti për fitore bindëse në zgjedhjet e 28 dhjetorit, duke theksuar rëndësinë e rezultateve të procesit demokratik.
Të dy palët diskutuan për zhvillimet aktuale politike në vend, përfshirë proceset e formimit të qeverisë së re, si dhe çështje të rëndësishme të bashkëpunimit bilateral ndërmjet Kosovës dhe Austrisë për forcimin e marrëdhënieve ndërshtetërore.
Kryeministri Kurti theksoi planet për investimet infrastrukturore në mandatin e ri, synimin e palëkundur të Qeverisë për anëtarësim në NATO, integrimin në Bashkimin Evropian dhe angazhimin e vazhdueshëm për paqe dhe siguri.